(الميلاد)
النبي يوم انولد ابمكه ابربيع
حصلت ابيوم الولاده المعجزات
جانت اول معجزه ابحال الاصنام
كلها منكبه الوجه ومد نكات
وارتجس ايوان كسرى اوي الوليد
واقره بالتاريخ اشكد شرفات
جانن اربعطعش شرفه البيوان
ابليلة المولود كلهن ساقطات
وساوه فاضت يوم مصباح الوليد
البحيره الوادي كلهن فايضات
وخمدت النيران عد فارس جميع
وكبله ندري اشكثر جانن ثاكبات
هي كثره الحصلت ابيوم الوليد
واحنه نحتار اشنعدد من صفات
يارسول الله نحتار اشنكول
وانته ربنه ايكول سيد الكائنات