صبري السعدي المدير العام
عدد المساهمات : 171 تاريخ التسجيل : 13/12/2009
| موضوع: طول يا طريج السوك...للشاعر مجيد جاسم الخيون الأربعاء يونيو 01, 2011 5:04 am | |
| طول ياطريج السوك ريت ادريولك يعثر ريت التاير اليفتر ياريته بالف بنجر ياريت الامانه الشالتك يشكر ولاتعمر واشبع شوف من عيونك الفتر طعن خنجر ياريت العيون تغور بس عيونه تتفكر ...ولاجابي ومفتش بالامانه ايكص ولادفتر ولاعبريه موجوده علينه تبص ولامنكر وادير العين بس اثنينه بهيمه واكتن كتت الغيمه واجر اذراعه من حركه وامصعه مصع فطيمه متعافي الدريول يمشيي بسرعه اكله اهجع ولك جوعان اريد اشبع ربيع مخضر المرتع حرارة ناركم تلسع مامفطوم اريد ارضع يعين الريم مجتوفه بثكل ظيمه وانت الحاكم المهموش تتمردغ عله خشيمه طغيت وماألك رداد مر فصل الشته والحر شحنت الدنيه بالبارود وانت الجام يتفسر نار العاشك المظلوم ظارمها صدك ينغر وظل العب لعب مجنون محد غيرك اليخسر طريج السوك ريته ايطول ياريت الدريول كل وكت يعثر طول ياطريج السوك طول والمدار بعيد شيصير اعليك شيضرك لون نتوالف وي الغيد عين ابعين والشفه تنكط دبس عيب اتهيد المزاود عله الكروه سمينه وغاليه الشروه ماتجابس اعيونه يعت برويحتي كوه واكله انه صكر شلوه يكلي جناحك مهلس تريد اطير ماتكوه يدج ريشي وعلمنك صكر مصكر اطيور الحر وانت منيلك منكار؟ شنهو العلمك تنكر؟ واخرب عشك المبني يمكسور الجناح اشلون من تفر انت اللي نويت الشر محد غيرك اليخسر تدك راسك وشوف الساس مدعوم بصخر مرمر وخلي ادريول الشالك يسكن لايروح اكثر تره السكان يتكسر واصيح بصوت طول ياطريج السوك ريت ادريولك يعثر | |
|