(طالت غيبتك )
طالت غيبتك
والليل طال اوياك..
حسبالي ابحياتي ابشخصك انه افلح...
واشوف اشلون
شخصك لو ظهر للناس..
هم تركص الناس الجيته اوتردح...
انه ادري
ابقدومك ماتفيد ارتوش..
والزال الدرب عنه انته ما تصفح...
بس ياهو
اليضل وياك يامولاي..
لو شفت ابقدومك هالوطن مسرح...
من الله علمك
اخر اهل البيت..
شيفيد اليبرر الك لو يشرح...
يعني ايموت
كلمن زغلط ابدنياه..
ذو الفقار بيدك يرجع اويذبح...
عجل بالظهور
ونرجو من الله ..
كل حارب الدين الكاع بيه تمسح...
امريكا الابو
صارت سيدي الهالكون..
وحدر منها بشر هالكون شو سنح...
حل ثاني
ابد ماينفع الاسلام..
اله الصوت منك تظهر ويصدح ...
لان مو بس
جرح هالوطن والاسلام..
ولا الحبو محمد دمهم اليسفح...
لا وصلت
تراهي اكبور اهل البيت..
يا كبرالنزوره اوبالشظا امجرح...
اومن طول
صبرنه اومالكينه احلول..
تيهنه مشينه اوكثروا العميان...
صح عدنه
اشكثر حفظت كتاب الله..
ومن تحجي ابديانه عدها خوش السان...
لكن من
تجي للسور والتطبيق..
قله الي يطبق سوره بالقران...
الالاف اختمت
ندري كتاب الله..
والالاف النصلي لو سمعنه اذان...
والالاف التحج
والكعبه بيها اتطوف..
وننقلها للعالم رجمة الشيطان...
بس بالتفرقه
ياحيف معروفين..
لوبيها سباق انفوز عالاديان...
خل نحجي
وحجينه ايصير عالمكشوف..
ملينه الترمز والحجي المدفون...
جدح الصبر
فاض اسنين واحملناه..
والناس ابسباة انريدهم يصحون...
لو نعرف
محمد وامتداد انصير..
ونمشي ابدينه احنه اشلون مامسنون...
لو نسكت
نضل بس بالجناسي اسلام..
ونماشي الغرب واشلون ما يردون...
ملينه الصبر
كافي ابسبات اونوم..
ولا جنه ابوطنه ايهود يفترون...
باجر ياعذر
والمهدي حل خطار..
والكه ارض الحضاره ابكيف بوش اوجون...