التجليبه _ ( زغيرة سن )

(التجليبه)

(زغيره سن)

اجلبنك يليلي12 تجليبه
اعله كلبي الورطاني وذبني بمصيبه

كلبي ورطاني وي زغيرة سن
انهي الروح عنها وهوه الها ايحن
عكلي من الكلب ياناس راح ايجن
ومن لوعة اكليبي الراس طش شيبه
اجلبنك يليلي12 تجليبه
اعله كلبي الورطاني وذبني بمصيبه

اجلبنك يليلي واه فوك الاه
خبروني ابدليلي شعمل انه اوياه
عدل يمشي اريده اويعكس ابممشاه
تعبني وطحت مكدر مطاليبه
اجلبنك يليلي12 تجليبه
اعله كلبي الورطاني وذبني بمصيبه

بس من العشك كتله ولك كافي
بيه من العشك مو جرح بس خافي
وجانون الهجر ياكلبي مو طافي
وكضاني السهر والله وزاد تعذيبه
اجلبنك يليلي12 تجليبه
اعله كلبي الورطاني وذبني بمصيبه

كضاني السهر والله وركت اعيوني
شسوي الكلبي رايدكم ترشدوني
اصير اوياه لو ضده تنصحوني
هايم بالعشك بعده ابملاعيبه
اجلبنك يليلي12 تجليبه
اعله كلبي الورطاني وذبني بمصيبه

هايم بالعشك كلبي ابهوى الحلوات
ولو غيره سكت دكه تراهو اومات
كتله جوز منهن رد علي هيهات
اهوايه ايحب دليلي وهذا اهو عيبه
اجلبنك يليلي12 تجليبه
اعله كلبي الورطاني وذبني بمصيبه

ابد ما يتعض ميفيد بيه ارشاد
تلومه الروح وكليبي فلا نشاد
بس تضحكله حلوه ابساع اهو ينصاد
يذب روحه ابحضنها وينسه كل هيبه
اجلبنك يليلي12 تجليبه
اعله كلبي الورطاني وذبني بمصيبه

ابد ما يتعض ميفيد بيه ارشاد
تلومه الروح وكليبي فلا نشاد
بس تضحكله حلوه ابساع اهو ينصاد
يذب روحه ابحضنها وينسه كل هيبه
اجلبنك يليلي12 تجليبه
اعله كلبي الورطاني وذبني بمصيبه
.....................................
ها عمو اضاهر كلبك اهيف ...ههههه...قصيده رائه وطراز جميل في قمة الروعه ..والجميل لايخرج الا من الجميل وهذا دليل علىجمال روحك ....تقبل احر تحياتي ....مفقدام الماجد