الميمر
(عشك ابو نخيله)
يا بو نخيله اعله المتن ياباني
بيت الموده والبنه ياباني
كلبي اعله دربك ياحلو ياباني
لنك وفي وطيب وحلو المعشر...
عالميمر وعالميمر وعالميمر
عشك بو نخيله ابنص دليلي خضر
يابو نخيله اعله المتن بس حلها
وروحي الوصالك لو هوت بسحلها
مشكله عندي وجاي الك بس حلها
ولتخلي صبري يا عزيزي امحير...
عالميمر وعالميمر وعالميمر
عشك بو نخيله ابنص دليلي خضر
يا بو نخيله اعله المتن مرمرنه
وعشكك تراهو ابهالوكت مرمرنه
اعضاي كالت عالكلب مرمرنه
ماحسبت ابهجرك تره يتفسر...
عالميمر وعالميمر وعالميمر
عشك بو نخيله ابنص دليلي خضر
يابو نخيله اعله المتن سادلها
حلها اعله كلبي والكلب وسادلها
انه وعشيرتنه تره وسادلها
مشيه نجيك ولا تضن نتأخر
عالميمر وعالميمر وعالميمر
عشك بو نخيله ابنص دليلي خضر
يابو نخيله اعله المتن سامرنه
ابليله ونسمعك ياحلو سامرنه
ياهو الانشده ايرد علي اسامرنه
وانه اعله شوفك ليش ضال اتحسر
عالميمر وعالميمر وعالميمر
عشك بو نخيله ابنص دليلي خضر
يابو نخيله اعله المتن صافينه
واذكر لمن جان الوفه صافينه
ياس وشمع بصواني الك صافينه
ننتظر جيتك للدرب نتفكر
عالميمر وعالميمر وعالميمر
عشك بو نخيله ابنص دليلي خضر
يابو نخيله اعله المتن ما عنها
وروحي تراني ابفركتك ما عنها
لو جايني وعينك علي ما عنها
جا بس شفت شوكي تضل امحير
عالميمر وعالميمر وعالميمر
عشك بو نخيله ابنص دليلي خضر
الخميس أغسطس 05, 2010 5:05 am
