صبري السعدي المدير العام
عدد المساهمات : 171 تاريخ التسجيل : 13/12/2009
| موضوع: مضايفنه...صبري السعدي الجمعة يونيو 24, 2011 8:45 pm | |
| ( مضايفنه)
مضيف الي انبنه ابذي قار تضل نار الوجاغ البيه وكاده... امشرع بابه للطيبين اعله بابه اليا هلا جلمته المعتاده... من طيبة هله طيبة كهوته اتفوح والمضيوم طبه ياخذ امراده ... يمد ايده ابصلح للنكر طيب الزاد لو جاه اعتذر ويوكله من زاده... مضيف ازرك سعد واحبيب وموحان يزهي ابحاضره وبماضي اجداده... مضيف امزيعل وشرشاب وسليمان واسعيد وخفاجه خيكان وعباده... مضيف ارميض وخيون وابن ارجاب زلم كرخان زلمه ماهم اشداده... تتباهه العشاير بيه اهل ذي قار اويضل عامر كريم ابنخوة اجواده...
من اول مضيف انتصب بارض الطيب اصبح مد رسه للي يكصدونه... كرم واخلاق واداب الكلام اشلون وبالديوان موزون الكلام اويجب يحجونه... يعلمون الطفل من كعدة الديوان او بسوالف زلم منهم يدرسونه... الشجاعه والحلم فارس يصير اشلون وبعشك الوطن برعم يغرسونه... يتغذه المبادئ والحكم والطيب والحق والعدل منهم يغذونه... ومن يكبر يشارك اهله كلشي ايدور بعد ما يكبر اوكلشي يعلمونه... عادات المضايف عدنه صار اسنين وعشايرنه سنن دستور مسنونه... تنحل المشاكل وبمضيف الطيب واترد الاهلها احكوك مغبونه... وتتعانق زلم بعد النزاع الدار والشيخ الحكيم الكل يقدرونه... بعد عدنه المضايف باقيه ابذي قار ماعدنه المضيف الفرغ ماعونه... وبعد تزهي اباهلها وفرة الفنجان والهاون يمرحب من يدكونه... ملا ذ وعون كل كاصد يريد العون ابهلا ويا مرحبا كلهم يحيونه
[img][/img] | |
|