لا تنظر الفرق العمر))
لا تنظر الفرق العمر
انه الاحبه امخوله
ايفرهد بكايه اسنيني
جربني شوف
اشكد وفي وابكثر
ما اوفي الك وافيني
انه ادوخن
من اشوفك تبتسم
واغفه اعله صوتك لمن اتحاجيني
تستاحش اصبحلك شمع
اضوي ابوحشتك من بعد طفيني
بس لا تضل
تلعب علي
لعب الجهل مرعد اكليبي اوصدك اياذيني
حاجيني مو نظرات
صدكني العشك
اولا سر تراهوالبينك اومابيني
وشربني من
ماي النبع
مشتاك من جفك ردت ترويني
ومن تعطش
انته ياترف
صدكني اشربك ياترف من عيني
رايد انام
اعله الزند
اتلوليلي انته اوصوتك ايغفيني
ومن اغفه
انه اعله الزند
او شعرك الناعم ياحو ايغطيني
يا شيب
يا فرق العمر
اوياهو اليكول انه اعبرت عشريني