صبري السعدي المدير العام
عدد المساهمات : 171 تاريخ التسجيل : 13/12/2009
| موضوع: هواجس لطفل يتيم للشاعر رزاق فارس حسن الإثنين مايو 02, 2011 7:04 am | |
| هواجس لطفل يتيم باچر عيد .. باجر عيد .. و محمد ابد ما غمضت عينه وحيد اوذبه وكته ابسجة الماشين غربه وماكو واحد منهم ايعينه ابوه الجان متكفل ابذيج او هاي من يعطش اوليده ايصير هوه الماي اومن يذبل هرش ورده يصير الماي او وين الماي .. و اسهيل الزرك شرد شباب الروح و المجروح .. طاب او طلب جرعة ماي . بس ظلن ابكلبه اجروح سجينه خليني اوي روحك طيف هذا الصيف .. تذكر من يجينه الصيف وأفرشلك افراشك .. واعدل الكله واكلك بويه سولفلي .. سوالف عالكمر و الناس وأيام المضت حلوه اعلى كل الناس حتى الصيف .. و يانه كعد يسمع اوحتى الليل ... شداه الحديث اوما قبل يرجع نتمنى الطريج ايطول ريت الفجر ما يطلع شبابيج العمر هزهن هوه التوديع ومواكح الضحكه الغصب ضحكتهة ومخافك اجدام او صوت ينده صوت واصوات المنية ابعجل باكتهه يا طول الحديث الصار حده الموت اويا طول الطريج الما يمر ببيوت خليني اوي روحك ضيف اجانه الصيف .. جايب عيد .. صوغه او منقله او دله مر فوك السطوح او دور الكله لكاهه امجلله ابظلمه سواد الليل و المعشوك ما نام ابحضن خله باجر عيد ... ودموع السعاده اتذوب وي العيد يا جلمه محنه البكت بس ترديد او يا صوت الصدى الكلما نسيته ايعيد ويعيد .. عداد الوكت ما يجل ويــــــعيد اوما شفنه حزن يلفيك ويعيد تمنيت الزمان يدور ويعيــــد ابوي الجان هيبه اوعزه ليه * * * * * * * * * منكراني نهر و الدهر بيده منكرانــي وحيد او مالي والي منكراني تمنيت آنه أصيرن منكر اني وأسئلنك عليش اكطعت بيـه للشاعر : رزاق فارس حسن | |
|
مقدام الماجد الاعضاء
عدد المساهمات : 46 تاريخ التسجيل : 15/03/2010
| موضوع: رد: هواجس لطفل يتيم للشاعر رزاق فارس حسن الإثنين مايو 02, 2011 7:10 pm | |
| قصيده رائعه وتحمل صور شعريه جميله وتمثل واقع حال اليتيم او الفقير اليتامه سيمائهم في وجوههم شكررآ لك استاذ صبري على الانتقاء الرائع والنقل المميز تقبل تحياتي
| |
|