مدينتي الحبيبه الناصريه ..لشاعر ايهاب المالكي

السلام عليكم ايها الاخو والاخوات الاعزاء
قصيــــده لشاعر المبدع ايهاب المالكي
تحياتي واشواقي لابو حيدر

جذر هاي المدينة امتد حضارات
سنين امتد تره موحســــــبة امتار
ابتداءا من حضارة سومر واور
الاان توصل وتلكاهه ذ ي قار
مدينه تعادل المخ عند الانسان
اذا تسكت بعد ماتطلع افكار
مدينه امضت عمر تتحاصر بجيش
وامضت عمربيهم تحدق اخطار
اشكد رادوهه تغفه وتنسه الاشعار
بس ليليه جانت تكتب اشعار
جم ساعة صفر دكته منا
وبكل انتفاضه عدهه ثوار
لهذا انه اقترح ساعة صفر كون
موصفرانتفاضه صفرالاعمار
كضه وكت السلاح العنك اخفيه
ماجبرك بكيفك وانته تختار
بدل ماللمعارك ندخل انذار
لاعمار الشوارع ندخل انذار
ذب القاذفه وننطيك مسحاه
ليش نلم جثث خنلم الاحجار
لا نحيي الخلاف الفتنة شتفيد
تره الواجب علينا نحيي الاشجار
باجر يكتب التاريخ الاحداث
والاجيال الورانه تعرف الصار
لذلك لازم نلم كل الارماد
اذا يلكونه طايح تنعرف نار
البنادق نخبت كل الحياطين
محاتجين مالج يمحي الاثار
خنسوي الفرح بس مرة تفصال
خاطر علملامح يطلع كدار
كبرنه ونشزن ضحكات الهموم
صارن علشفايف كلش كصار
الاحلام البعيدة اقتربت هواي
واليفصلنه عنهن بضعة امتار
بس يراد فزعة وشدة حزام
والى اشعار اخر نعلن اصرار
العود البي وتر بس واحد يموت
مايعزفلك الا بعدة اوتار

مبدع مثابر الا وهو مقدام الماجد كما عودنا يختار القصائد الجميله والمؤثره لشعراء قمه في الابداع وها هو اليوم يتحفنا برائعة الشاعر والصديق العزيز ايهاب المالكي ..دمت لنا يا مقدام وننتظر المزيد..ودمت يا ايهاب ومن ابداع الى ابداع

شـــكــرآآ
للاستاذ والاب الطيب
الرائع المبدع
صبري السعدي
اتحفتنا بمرورك
الجميل
لاتحرمنا من ابداعك
شكرآ مرى اخرى لك يا رائع
تقبل تحياتي الحاره ه

» الناصريه عشق وتاريخ وحضاره _علي عبد الغزي