كونوا اهلا لضماد جراحنا

صبري السعدي
البريد الالكترونى sabriy_1955@yahoo.com

(كونوا أهلا لضماد جراحنا) الى كل مرشح يحب شعبه ووطنه.. أرادو ا منا الفرح في زمن الطغاة.. وكتبنا شعرا..وولى الطغاة ومازلنا نداوي الجراح.. فكونوا أهلا لضماد جراح شعبكم.. واطلعوا على ما كتبناه ((تكلي افرح..تريد افرح)) وانا ساعه الوكت وياي ما ينصح.. دواليب الهوى صارن يصاح اعضاي بيها اهموم كل دنياي تتمرجح.. لفاني الما لفه للناس وبدمي العزيز الداي طب يسبح.. مو كثرن اجروحي اوخنيبن خنياب ما بطل وكتنه ارداف ضل يجرح.. خليني ابحزن ضكني الحصار اهواي جا شنهو الفرح كلي الخبز لو شح.. من دم ولحم تدري يصاح اعضاي مو رمل اوحصو وبشيش ومسلح.. يوميه اموتن لو شفت طفلي كلب عينه الصبح من جوعته اوسنح.. خل الفرح الهم لليكضي الليل يركص للصبح ما فارك المسرح.. خل الفرح الهم للشرو عرض الناس من دم الغلابه البالغدر يسفح.. خل الفرح الهم للهوى الفرهود وبدم اليتامه ايبيع بس يربح.. من تترس اجيوبه اليوم باجر خنجره المسموم وجهه الياكتر يذبح.. خل الفرح الهم للهوى التسليب والتسليب رسمي اوواكف امشلح.. ويوميه اشوفن عامل التسليب واكف ياخلك مهيوب ومسلح .. يجر خبزة فقير اكبال عين الناس ياخذها غصب من عامل اليكدح.. يا مهنه شريفه الضلت ابهاليوم اذا وصلت الرشوه الزين والارجح.. طبيب اويرتشي ابهاليوم قاضي اويرتشي ابهاليوم جا ياهو النكول اعليه ابو مهنه شريفه اوللوطن يصلح.. قم للمعلم مسحوها هذا اليوم ورق للمعلم لو ردت تنجح.. وبباب الدوائر علني التسليب يمد ايده بجيوبك وبادب تسمح.. واذا سيطره اتكضك هاي هيه اتروح كل السيطره تركص على التوريق كلها اتصيح بيك ادفع.. لجنة بتلر الميشوم امخصب جيبك ايكولون يفرغون الجيوب اسياطهم تلسع.. واذا تمشي ابطريج ابليل ما يكفي البجيبك لجنة التسليب من كلشي اللبسته او بالعجل تنزع.. وين اتغرب الياصوب لجان اموزعه ابكل صوب رسمي اوشبه رسمي ابدربك اموزع.. خليني ابحزن خلني اضل مجروح خلني ابعلكم من المامش اتجرع.. ما اسلك دربهم انه حتى ارتاح ولا غرني لحم غزلان حتى اوياهم اتربع.. سن ذيب الحصار او ادري جاس اعضاي خل ينهش ابعضمي اوباللحم يشلع.. خل جور الحصار ايجيس كل اعضاي خل يصفه الجسم لامراضهم مرتع.. ما اسلك دربهم يوم يوم اوللغلط اخضع.. رغم كل اللفاني او جور وكتي اوياي بس لله الكريم الخلق انه اخضع.. خليني ابحزن لتكلي بعد ارجوك جا وين الفرح وتكلي انته افرح.. خليني ابحزنح لتكلي بعد ارجوك ماريد الفرح ماريد بيه افل..