(علمني )
علمني
اشلون
انسه العشره..
وفهمني اشلون انه انساك...
ودليني
الياصوب اتعنه ..
لو ما رايدني اتعناك ...
وكلي
اشلون
اتسلهم عيني..
واشلون اكضيها ابفركاك...
رد
يالرايد
تبعد عني ..
لا تبعد عني اترجاك...
كلب الحبك
ياهو ايكضه..
لو واحد يذكر طرواك...
غيرك شلي
ابهاي الدنيه..
وشلك غيري انته ابدنياك...
جنت انته
التغفه
اعله ايميني..
يالرايد تهجرني اشجاك ...
من دوني
اشلون
اتعيش انته..
ولا عيشن انه ابلياك...
ترضه
اتجازي
ارباي ابهجرك..
لا لاتجرح كلبي الرباك...
كالو
محبوبك
حب ثاني..
ما عفتك ضليت اهواك ...
وكالو
محبوبك
ما رايد ..
لاحبك لتا عيشه اوياك ...
ما صدكت
الواشي اوعينك..
هذا انه اوضليت اهواك ...
وكت
للواشي
اعوينة جدك ..
واعوينة جده الوداك ...