قصيده( واقعة الطف )

(واقعة الطف)


اذا با ليا با ن ما تم للحسين ..
اكبر الثورات ها لثوره اذ ن...
الف واربعمية عام اتمر قرون..
ابثورته اونصره الحسين اتوسمن...
اذن اكبر ثوره وي اكبر مصاب ..
عبر تاريخ ا لبشر يتسجلن...


الدمعه كطرة ماي تذرفها العيون..
اوللدموع اسباب منك لو جرن...
ياترى تكدر حبس دمعك جفون..
وما اظن دمعات يوم اتخثرن...
دموع نذرف لو خذت ايد المنون..
اونايبات ابيتنه لو حولن...
بس شهر شهرين ندري ابهالغضون..
اتخف مصايبنه اوعالاكثر ينسن...
بس مصيبه ااسنين مرت ما تهون..
اشكد مصايب غيرها راحن واجن...
واقعة طف الحسين ابكربلاء ..
ايامها امن الذاكره ماينمحن...

حسين يستشهد علم بيه الرسول..
لاابوه اوياه لاخوه الحسن...
يوم خبر فاطمه الزهره البتول..
عالم ابريحانته اتمر المحن...
صح محن مرت ابسيدنه الحسين..
اسيوف واسهام اعله شخصه اتجالبن...
ما رضخ مره ولافرط ابدين..
ولارضه اجفوفه للكافر سالمن...
ثورته شاهد بقت للعالمين..
اشما تمراعوام ويمر الزمن...
وراية الاسلام ثبتت من حسين..
ابثورته اركان الاسلام اثبتن...

بنو هاشم عائله اولاكت جموع..
وسجل التاريخ ايام السدن...
من سهم من حرمله النحر الرضيع..
للسبايا الهاشميات انسبن...
ولاكه جمع الكفر مسلم بن عقيل..
اوهوه من نال الشهاده اولا...
اجيوش ابن ازياد من دارت عليه..
من لزم مسلم اشجم مره اعجزن...
تالي حفروا حفره والها استدرجوه..
والحشود اعليه تالي اتحايلن...
وفرح ابن ازياد من ليه اخذوه..
ينذبح فوك القصر لمن علن...
حسب يستسلم اله اويثني الحسين..
ويرضه بوعود الذب لو بالهدن...
راية الاسلام من ايد الرسول..
ليدك انته الطاهره يابو الحسن...
اشلون يرضه اوينكس الرايه الحسين..
لائه والدم الشريف اتخلدن...