قصيدة (جرب صاحبك )

(جرب صاحبك)
ذر جرحك ملح واصحه الغدر دنياك

او واكح كل وطح والزغل مره اوياك

جرب صاحبك مو مره لا عشرين
واتمعن عدل باليضحك ابملكاك
سن يضحك جذب من تضحك انته اوياه
خطوه لو مشيت ايطعنك ابمكفاك
كل خطوه ابحذر من تمشي فوك الكاع
امشيها ابتاني اوريض ابممشاك
تدري الكاع وسعه اوترفض الغافين
زمن قوه اوغدر قانون كل دنياك
صح طيب كلب ساعدت زين اوشين
بس لمن طحت بس كلي ياهو الجاك
لا تعتب تلوم اوتندب اعله الراح
شيفيد العتب واللوم بالخاناك
واهم لو تضل تندب وره المجفين
بس كلي عليمن صاحبك جافاك
لان انته طحت شافاك فارغ ايد
سمع منك ونين اوماكو جلمة هاك
ضل عالج ابوحدك لا تحشم الناس
كلمن همه روحه اوياهو جاك انطك
ربك بس يعينك عالجرى والصار
لتضن غير ربك هالوكت عاناك

» قصيدة ( الا نتر نيت )
» قصيدة (يا بو الحسن )
» قصيدة(احب جرحي)
» قصيدة ( اكحيله )
» قصيدة ( لتصدين )