( اكحيله )
يا عيون الما لها ابدا مثيل
ويا زلوف الغافيه حدر الحبر...
ويا طعم بلسانها يشفي العليل
ويا خديد الراوي تفاح اوحمر...
ويا رضاب البالحلك جالسلسبيل
بس ترشفه اتطيب ترتاح اتخدر...
ويا شفايف عامره ابريحة الهيل
حك دليلي ايهيج صدك ما صبر...
ويا عنك غرنوك ركبتها تميل
من نسيم الهاب تتحسب خطر ...
ويا صدر مثل الجبل وابلا دليل
اتيه بسفوحه تره اومالك خبر ...
وانتشيت اوياه بس طول يليل
ابهندسك يا ليل ما ريد الكمر ...
ابضيم دلالي واريد اشفي الغليل
ويا عليل اتهنه لو ليلك عمر ...
صح رجيج انه اوتره راكد الحيل
بس مثل هالناس اريد انه السمر...
ليش وكتي اوياي بس صوبي يعيل
فرح اهوايه تره اوعني شمر ...
الليل وانه اوياه بس خل اوخليل
انريد نتهنه كبل جيت الفجر ...