رساله الى من يهمه الامر
الشاعر شاكر الشمري
لاتحجي بسوالـــــــــف مالهن ساس----------
وعلي لاتحجي حزورات ولغاز
احجيلي بهالشعب شنهو الجنه وياك---------
وكلي شقدمت للناس انجــــــــاز
اصفه وياي امريكـــــه ترى تروح----------
ونظل صدكني انه وياك ننجــــاز
كتلي راح اعيشك رغـــد مرتــــاح---------
- ولاخليك ذرة حاجه معتـــــــــاز
وهاي سنيـــــن مرت ضيـــم وياك----------
يوميه لطــــم وتعشــــه خبـــــاز
منـــك ماردت لاقصـــر لامـــــال-----------
ولارايد شوارع ذهــــــب ولماز
ردت منك امــــان وبعــــد ويــــاه-----------
اميه وكهرباء ودبـــــة الغــــــاز
مليت الحشــــف وكلني كنطــــــار----------
محلل كلي اكل لو حرامـــــــات
ضوكني عسل لو مره بالعــــــــام-----------
اغفر زلتك وامسحلك الفــــــات
عالواقع اريد وعيني تشـــــــــوف-----------
لاتسفط عليــــه بهالشعــــــارات
تعيشني بامل والامل جـــــــــذاب-----------
انتخمنه من ااجذب ومن السخافات
تنفيذك صفــــــر لا بل اقـــل دون----------
- شتنفذ ونته ما تمـــلك قــــــــرارات
انته محصـــن بخضــــــراء بغداد----------
- ولاهزك ضميـــــــــــر ولامبالاة
بدوامة رعب ضل البلــــــــد ليش-----------
ولياحد كلي نتحمـــــل معانـــــاة
ماشايف بلد بي هالكثر خـــــــوف----------
ولاشايف بلد بي هلكــــــد اموات
عله صوت انفجار نودع الليــــــل----------
ونصحه من الفجر وي انفجارات
يمرن ينكضن هالاربع سنيــــــــن-----------
نصوت ننتخب لا بعد هيهــــــات
وخافن عاطفتنه تبوكنـــــــه اردود----------
نخيط حلوكنه وندفنهه الاصــوات
اخذه الجبته ليه ومانـــي ندمـــــان ----------
تحزب طائفيــــــه وانتمــــــاءات
ورجعلي سمه مابيهه دخـــــــــــان----------
تعج بس بالنوارس والحمامــــات
اضحي بكل شي اضحي وماني خسران-----
بس كون البلد يرجع سلامــــــات__________________
حمامة كربلاء الله سلمت ايدكم ... احسنتم كثيرا .....موفقين يارب و الله يحفظكم و يحفظ كل الشرفاء لهذا البلد المظلوم ونصركم الجليل وحماكم من كل سوء يارب.
.اليعقوبية السماوية أحـــــسنتم وأجدتم أخي المحترم الطيب ،ربي يحفظكم ويرعاكم من كل مكروه ،كلمات صائبة ،وجهود مبارك يارب،،
.حيدر الخفاجي ابو علي ... فتقت الجرح من جديد ............ تباً لساساتنا أبناء جلدتنا ... ولتحيا الضمائر الحية من أمثال ضميرك ايها الشريف .. لك كل المحبة الخالصه ايها العزيز ودمت بود وشفاء عاجل باذن الله الواحد الاحد
.صبري السعدي سلمت اناملك استاذ شاكر..وصف جميل مليئ بصور من الواقع
.ضياء الشمري خوش حجي بس جيب اليشتري من المسؤلين تسلم ابو علي
29 .حازم ألسهلاني ابو علي انته مبدع وبيك شغله ثانيه حلو بس ما اكوله
.شاكر الشمري الشمري ممنون لمرورك العطر حمامة كربلاء نورتي الصفحه المتواضعه تحياتي
03 .شاكر الشمري الشمري اليقوبيه السماويه المحترمه مرورك له طعم طيب لك مني ارق .شاكر الشمري الشمري الدافئ العزيز الخفاجي دائما اجدك سباقا للتواجد معي ياورد تحياتي الك
03 .شاكر الشمري الشمري الشاعر صبري السعدي الورد كل التحايا لك صديقي العزيز على مرورك ياطيب
03 .شاكر الشمري الشمري حيا الله ابن عمي خادم الحسين ضياء الشمري وشكراا لتواجدك المميز ياحبيبي
03 .شاكر الشمري الشمري حبيب كللبي الشاعر المبدع حازم السهلاني عمي انته الحلو مو انه انه شيبت الدور الكم ياشباب تحياتي الك اين ماكنت
03 .ضياء الشمري سلام عليكم يا ابو علي حترامي وتقديري لحضرتك
الخميس أبريل 07, 2011 4:35 am