صبري السعدي
المدير العام
عدد المساهمات : 171
تاريخ التسجيل : 13/12/2009
 | موضوع: قصيدة ( لتصدين )  الخميس يناير 07, 2010 10:09 pm | |
| (كان له بيت وحبيبه*وابعد قسرا وادخل في قائمة المهجر
لتصدين عني*وانه عمري اوياج*خلصته ماسي*اوانتي تدرينه**
فاركت الاهل*واحملت برد اشتاي*وانتي اليوفي ابدا ماتعوفينه**
كالولج نحبج*ادري كبلي اهواي*بس ياهو الصدك وياج شفتينه**
من اربع جهات*افتر حراسه اعليج*حتى ابرغد ليلج من تنامينه**
وخاف ايحوف غادر*تدنه نفسه اعليج*خاف ابماي شطج يمد جفينه**
كصيت الجفوف*الكبل كربت ليج*وسيفي اندار حولج عرض حدينه**
نتعاتب يشوكي*اليوم انه اوياج*واريد اذكر اوياج*اسنين ماضينه**
حبي انه الج*مو سنه لو سنتين*من تاريخ زاهي ابيوم عشرينه **
ياهو الي وكفلج*ساعة الشدات*بيتج لمن شاف ابيوم غازينه **
واتمر السنين اوجعنه انه اوياج*واحملنه الحصار اولوعة اسنينه**
وشح الماي عدنه*وشطنه جف ابيوم*واتفطر كلب طينة سواجينه**
ماعفتج ابيوم* اولابعدت اعليج*وضلينه اعله درب ابيه ماشينه **
بس هسه اشعجب*كل هالتعب وياج*برمشة عين كل هالعمر تنسينه**
ما ضني الغديد*ايغازلج فد يوم*وانتي الغزل هذا اشلون ترضينه **
شفته اوياج كاعد*صار صاحب بيت*ومن ماي الزلال انتي تشربينه**
كولي ابياوجه*نتلاكه انه اوياج*باجر لوطفل منه ترضعينه **
صاحب بيت انه*وصار هاي اسنين*بيتي ابيا شرع انتي تبيعينه **
امهجر اسمي صار* اوافتراولايات*واشكال الخلك تتصدق اعلينه**
دجله اتفيض دم*اوينخبط بالماي*من يبقه الغريب*ابنص محارينه **
اتواسه ابخيم*والبيت مو موجود*عيب اعله العرفها*اورد يواسينه**
ولا ريد البجه واعترف بالماساة*واتصدق عليه ابشكره واطحينه **
متعود انا اعله الضيم والماساة*خل ياخذ الخيمه اوكل بطاطينه **
لا بغداد عيدي النضر بلي صار*واليسحك افراشج اكص رجلينه **
يا وسفه ابعمامج ساكتين اشلون*ذليتي لجن شنهو المتانينه **
ارد البيتي غصبن والغريب ايزول*ماهمني السبات اونوم اهالينه**
عدل سابقا من قبل صبري السعدي في الجمعة أبريل 08, 2011 6:05 pm عدل 1 مرات | |
|
مقدام الماجد
الاعضاء
عدد المساهمات : 46
تاريخ التسجيل : 15/03/2010
| | موضوع: مبدع.. الجمعة مارس 26, 2010 1:54 am | |
| هله هله رائع ومبدع
وعاشت اناملك على هذه الكلمات الرائعه
...........تقبل مروري.... | |
|
