قصيدة (يا بو الحسن )

(يابو الحسن)
الى وليد الكعبه**وشهيد المحراب**الامام علي بن ابي طالب عليه السلام*
من اول هجوم القاذفة بي تو**من اول شضايا الطاحت ابسدي**
ضلمه الدنيه صارت والعيون اتدور**بس اسمك ضواي اوغيره ماعندي**
انته اول فزع ياحاضر الشدات ** وياهو الماندب باسمك لمن تسدي **
سدت ياما سدت واتوسدينه الضيم**نخلص من مصيبه اوثانيه تبدي **
كل ساعه انتشاهد لحضه ما ننساك**انته اوسوره الاخلاص والحمدي**
كضينه العمر بالضيم واللوعات **واجروح اشكثر ماطايبه اوتدي **
نمشي ابركب رادو كوه عاليمشون** نمشي الياكتر ما ندري من نبدي**
كصرنه الجدم بس همة السياف**كوه اتريدنه نتبع اليحدي **
علي يابو الحسن لايامك انحن دوم**ونحاجي الايام الرايحه ردي**
نشرت انته العداله اووحديت اصفوف**يسيف اسلامنه اوللابد ما يصدي**
ابشخصك يقتدي ردنه اليجينه ايقود**كتاب الله ابيمينه اوللعدل يهدي**
ونتاني نضل والامر للرحمن **وندعي الله يعجل طلعت المهدي **