قصيدة ( الى شاعر )

الى شاعر) )

من تحجي الحقيقه اوتكشف المضموم
بس راد الرذيل السانك اتكضه
اريدك بعد اخوك ابشطر واحد كون
تخلي اكبال عينه الشعر يتشضه
ملينه الترمز والهمس بسكوت
اوياهو الماتمدحه اعليك مايرضه
مو هوه الشعر موهبه امن الرحمن
ما جبته من واحد انته متقرضه
خل شطر الشعر سيف ابوجه شاريك
لان شعر الحقيقه امن الحسام امضه
وانه ادري الغديد اشما غزاك ابيوم
بس يوصل اكبالك ينتهي ابومضه
اكتب للرسول واهل بيته اوياه واشهر
كل غلط لمن يجي ابوعضه
وشد جرح الوطن واشهر اذياب البيه
مجروح الوطن ياهو اليجي ايعضه
صيح اباعلى صوتك وانصر المضلوم
واكبالك صور للضلم مكتضه
ا نته السان حال اوصوت كل مضلوم
بيه باعو شرو فرهدو حتى ارضه
وانته اول فزع للشفته يوم ابضيج
تسلهم عين غيرك عينك اليقضه
رد اهل النفاق اواهل قيل اوقال
حثالة مجتمع ونفوسهم مرضه
عن كلشي غلط بالك تهيد ابيوم
ولا فد يوم طرفك عنهم اتغضه
دفاع الفقره شعرك بس بدون اتعاب
ولا ريدك تساوم عالشعر ترضه

» قصيدة ( الا نتر نيت )
» قصيدة ( اكحيله )
» قصيدة ( لتصدين )
» قصيدة (جرب صاحبك )
» قصيدة ( صارحني )