الشاعر والاعلامي صبري السعدي

الشاعر والاعلامي صبري السعدي

منتدى ادب وفن
 
الرئيسيةالبوابةبحـثمكتبة الصورالأعضاءس .و .جالمجموعاتالتسجيلدخول

شاطر | 
 

 [center]قصيدة

اذهب الى الأسفل 
كاتب الموضوعرسالة
صبري السعدي
المدير العام
المدير العام
avatar

عدد المساهمات : 171
تاريخ التسجيل : 13/12/2009

مُساهمةموضوع: [center]قصيدة   الإثنين فبراير 13, 2012 2:18 am

قصيدة

(المباهله)
............
للشاعر لطيف العامري
لاتگلي تشگگت
تدري أنت شنهي؟؟!!
سنين ساكن هيمه أدور خيوط ليلو..
وخيط خيط آنه نسجتك ياقميصي
منين تنقد؟؟
من قبل؟.
صدري رصاص الفاو ماشگگ قميصه...
منين تنقد؟
من دبر؟؟
ظهري للكارون أثر لسه عليه
بيوم چانت عبرة الكارون مو كلش رخيصه
ياترافة وجهك ويامستحاي
أنت من تسولف تنگط عسل....
وآنه من أنكث هدومي يطيحن بحضنك رصاص...
آنه ربتني السواتر
ومو عجيبه تشوف هسه المثلي كافر...
آنه ماعرف القصرمن التمام
جنت گاعد عالحدود
وحته مالحگت أنام......
وهسه جيت....
جيتك مكمل دراسه..مخلص أنواع الحروب
الشيب يوجع................
والتجاعيد ال عالخدود الجميله تصير لعنه
وذوله أحنه..
أنت تتباهه بشبابك
وآنه أتباهه بحروبي....
آنه لو ماشيّبت فوگ الحدود
ماصرت أنت شباب....
آنه أطلبك دين حته النده الفوك شفايفك مديون أليه.....
وعلي لو مانشفت شفافي على حدود السواتر
چاخذوهه شفافك لكسرى سبيه....
وعلي لو ما آنه چا ماهوه أنت...
ولاگدرت أتباهل الشيب بشبابك
آنه أذوبن بيك ..أتيّه بيك شعبد...
أنت جنه ونهر خمره اليجري بين شفاف صدرك
ماأغدرك
ماأصبغ شعري وأكلك آنه شاب....
آنه جيتك بسمه من آخرمسامات العذاب.....
آنه ذاك الفارش چفوفه شبچ
والدنيه ريح......
يدوّر الليلو بتراتيل التراب...
آنه ذاك
الضاعن سنينه
سؤال بلا جواب...
سؤال بلا جواب...

بقلم صرح من صروح مدينتي
الناصريه
الراائع الاستاذ
لطيف العامري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wwwsabriy.ahlamontada.net
 
[center]قصيدة
الرجوع الى أعلى الصفحة 
صفحة 1 من اصل 1
 مواضيع مماثلة
-
» [center]منتدى القوز[/center]

صلاحيات هذا المنتدى:لاتستطيع الرد على المواضيع في هذا المنتدى
الشاعر والاعلامي صبري السعدي :: القسم الثقافي والادبي :: منتدى الشعر الشعبي :: القصائد-
انتقل الى: