صبري السعدي المدير العام
عدد المساهمات : 171 تاريخ التسجيل : 13/12/2009
| موضوع: قصيدة(ماصيرن صنم)للشاعر المبدع اسعد الزركاني الثلاثاء يونيو 21, 2011 2:44 am | |
| ماصيرن صنم للشاعر المبدع اسعد الزركاني ـــــــــــــــ
ماصيرن صنم وتفلش بلحضات ولاصيرن حسين وربعي تخذلني
ولاصيرن غزال بغابه كلهه سباع وماصيرن خشب والنار تشعلني
وعله جرف الزمن ما صيرن الناعور اشيل الماي وانه العطش كاتلني
وما تغمض عيوني ويمي واكف ذيب اذا مونابه انه نيابي تاكلني
ولااضحك بسني وكلبي يبجي جروح اشلعنه وعلي لو يبتسم سني
وبجفوفي كلت ماحطن السجين خايف من هذني يكطعن بذني
وماريدن اطشر فوك كاعي اشلاء رايد من اموتن ناسي التلمني
عصر بييه الوكت عصرة طفل للطير ماغني كمت بس موتي اليغني
وماطيحن كلت ووكف جبل عل كاع وماصيرن دمع وعيوني يبجني
وبزنود الزمن ماصيرن انه جفوف ولا صيرن سهم واقواسه يرمني
كبل من جنت اطيح يلمني جف الناس بس هسه منطيحن ياهو اليلمني
مر بييه وكت اتحالف ويه الروح خايف من انام جفوفي يكضني
متربي بحزن والحزن طيف وياي وجفوف الحزن بل حزن حضنني
اصيل ويه الاصيل وكبحي عل موزين اتلكه المصايب ما يلا كني
اطك فحل الزلم لو زامطاني بيوم طكة مقتدر ما يعرف ايثني
وسامح ونحني للنسمه من تفوت وجبل الوي المصايب مايلاوني
وللطيب جسر يعبر علي لوراد ورجلين اللئيم الجمر يلكني رجلين اللئيم الجمر يلكني __________________ | |
|