الشاعر والاعلامي صبري السعدي
الشاعر والاعلامي صبري السعدي
الشاعر والاعلامي صبري السعدي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الشاعر والاعلامي صبري السعدي

منتدى ادب وفن
 
الرئيسيةالبوابةأحدث الصورالتسجيلدخول

 

 (الطير المهاجر )

اذهب الى الأسفل 
كاتب الموضوعرسالة
صبري السعدي
المدير العام
المدير العام
صبري السعدي


عدد المساهمات : 171
تاريخ التسجيل : 13/12/2009

(الطير المهاجر ) Empty
مُساهمةموضوع: (الطير المهاجر )   (الطير المهاجر ) Emptyالإثنين يونيو 06, 2011 11:29 pm

الى حبيبي الراحل الانسان والشاعر نعيم الخباز.. كان لي اخا وصديقا..تعلمت منه الكثير..كتبنا قصائد مشتركه ومساجلات بالابوذيه عديده.. في سفرنا المستمر سوية..في رحلته الاخيره جاء من كركوك الى بغداد ثم الى كربلاء مارا بالديوانيه والسماوه ليصل الى الناصريه ..ويدخل المستشفى العام ..عندما وقفنا بجانب سريره في الردهه كانت عيونه تتفقد اصدقائه بالنظر الينا بدون كلام..ولكن بعد ايام وفي يوم رحيله عنا تحركت شفتاه وكأنه يريد ان يقول شيئا ولكننا عرفنا مايريد..كان يطلب رؤية اطفاله اللذين تركهم في كركوك..ولكن وصلوا اطفاله بعد الرحيل ..فكانت كلماتي.... مثل ما جنه نكتب انه وياك.. وقصايد مشترك ياما حجينه... ومثل مانشكي همنه بأبوذيات.. يا خويه اشكثر وتساجلينه... تعال.. ومشترك نتسامر اليوم.. وبين اخوان ريت اتكابلينه... ماريد القصيده ابحفل تأبين.. لأن متنه اشكثر وتأبنينه... عدل عندي نعيم اوياي موجود.. عدل لتكلي مو راح من ادينه... نعيم الزرع طيبه ابكل العراك.. وصدى ارويحة حلال ابكل مدينه... على طيبة اكليبه الناس تهواه... واله الباب اليكصده امشرعينه... شفت استغفرله اصحابه بالموت.. ريت السمع بيه امصدكينه... لان واضح محنة هاي الكلوب.. تفارك مارضت روحه الحنينه... ومن ديرة غرب شديت الرحال.. ماندري ابقرارك تستقر وين... كصدت الديرتك مريت بدروب.. انه اوياك بيها اشكثر ماشين... بس دار السلام البيها مريت.. وجنه انشم عطر بيها الرياحين... عفتها من لكيت الناس مو ناس.. ماليها الرمي ودخان صوبين... وكصدت الكربله مبروك مريت.. حتى اتشم امان ابصحن الحسين... او واصلت السفر شو جنك اتريد.. اتودع توصل الكل المحبين... تعال وحلم عدنه نلتم اليوم.. بس لمة فرح مو حفل تأبين... هذا ابنك سلام اويسأل اعليك.. ياطير المهاجر هاجرت وين... اجه ابشوكه سلام وبويه من صاح.. عزيزك مو سلام اويهمل العين... حاسب من اجاك ايلحك اعليك.. سمع ونة اخوتك والمعزين... يالسافرت بالعجل ماكلت رايح مرد جم روح بعدك تضل ماردها بعدك مرد ما نضن كل فايده بالبلم ماله مرد عنك سألنه طفل بعده طري عوده ومتاني عودة محب ما يخلف اوعوده سفرته اتطول الابو لو بوي اله عوده يا خوي كلي شرد حاديك لمن سره وغير الوصل ما اضن غير الوصل من سره الموت حق انعرف ما ينعرف من سره بس الطفل لوسأل عمه وطلب شافاك وانته الطلبته لجن بس حركت شافاك لا شفه هوه اتوى ولنته خذت شافاك بعدك سلام اشتضن هم ينتهي حزنه حز عضمه حز الجفه لا كل محب حزنه لكن رغم ما جرى بعدك اضن حزنه شوفة سلام الحمد لله وبقه بعداك صح الجفه والبعد ماردنه الك بعداك ولا ردنه باول وكت يحصل يخي بعداك ردناه بعده العمر يطول بعد وياك وينهل نبع طيبتك كل صادفك وياك يالكتلي انهل وفه عوف الغدر وايك بالدنيه تغدر احد لا عيش بس الطيب واتركهن الخزنن اجروح الدنيه اتطيب يلي تراثك ورد ما فاح غير الطيب قله الحمل طيبتك حكنه اعله بعدك نحد ودرب السلكته وفه مايوم عنه نحد لوباج سيف الشعر بدروس شعرك نحد لن سيف شطر الشعر عندك بقه من سال يا وسفه سيفك هدأ دمع الطفل من سال تدريني حاير صرت طفلك يخي من سال مدوهن نعيم اصبحت ضليت حاير مرد
الرجوع الى أعلى الصفحة اذهب الى الأسفل
https://wwwsabriy.ahlamontada.net
 
(الطير المهاجر )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر والاعلامي صبري السعدي :: القسم الثقافي والادبي :: منتدى الشعر الشعبي :: القصائد-
انتقل الى: