الشاعر والاعلامي صبري السعدي

الشاعر والاعلامي صبري السعدي

منتدى ادب وفن
 
الرئيسيةالبوابةبحـثمكتبة الصورالأعضاءس .و .جالمجموعاتالتسجيلدخول

شاطر | 
 

 قصيده للشاعر ميثاق الهلالي_ام عراقيه تخاطب صورة ولدها الشهيد حسن

اذهب الى الأسفل 
كاتب الموضوعرسالة
صبري السعدي
المدير العام
المدير العام
avatar

عدد المساهمات : 171
تاريخ التسجيل : 13/12/2009

مُساهمةموضوع: قصيده للشاعر ميثاق الهلالي_ام عراقيه تخاطب صورة ولدها الشهيد حسن   الإثنين مايو 16, 2011 12:37 am

شعلنه شموع الك وي هزة الكاروك...
وخطف ريل النجف وبچلمه طفاهن

وتعنينه المگابر حسن مكسورين
و شموعك باب الگبر شفناهن

نفسهن بس تغیر لونهن فدنوب
من گد ما اشتعلن ماعرفناهن..

وجيتک والجروح الماتن من سنين
بعیوني بصفنتي بخاطري الکاهن..

بگايه غروب وآنه وصور من ذكراك
ألم ضحكاتهن واتشابگ وياهن..

يصبح العافيه شبدلك ليل وداع
ويبو زنود السمر ياگبر غطّاهن؟؟

سنینك من طفن مادرن بيّه شصار
طفت روحي وعلي من أطّنّي مگفاهن..

ییمه وداعتك جدم السفر چتّال
حدره سنين عمري تراب سوّاهن..

عفت صدر أمّك وعدّك گلب يطّيك
تترجه الگبور تدر ثداياهن!؟

ياهو المابچه من گالوا ابنچ راح؟
ونيني الرّاسيات عليك بچّاهن..

موبس بيتنه حتّّه بهذاك الصّوب
المضایف بالسَلَف شدّن رواياهن..

ييمه وياك شفنه الماگبل شفناه
میالة ساعتك يبچن لگيناهن...

عمت عين السوالف يحلن بليّاك؟!
سوالف ماصخه الملحك تعدّاهن..

گبل حتّه الدقيقه شگد عزيزه وياك
هسّه اعمارنه اخلافك نسيناهن!!

يرفعة راس أبوك بلمّة الديوان
ويگضّاي الشدد لوجبت طرواهن..

حچاياتك ندى والورد يتلگّاك
هسه شلون گبرك هم تلگاهن؟؟

بصورّك چن اشوف جروحك وبالليل
فزّن والگمر عالبيت بدّاهن..

وخاف نشوف جرحك بالصّور ونموت
أبوك بصورة العبّاس غطّاهن!!

وخواتك چذّبن كلمن يگلهن راح
ولهسّه متانياتك تگعد وياهن

بنات اربعطعش دگّن رجل بالبيت
الشباب الفاتهن عالشّيب زفّاهن!!

حسن ضحكاتهن من غرّبت لليوم
لاطلعن... ولابيّن محيّاهن..

ومثل ضحكاتهن.. ماجزن باب البيت
حاشاهن خواتك والف حاشاهن..

حسن لوما خواتك چا متت وياك
خاف تگلّي ماظلّيتي ويّاهن..

ميثـاق الهلالـي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wwwsabriy.ahlamontada.net
 
قصيده للشاعر ميثاق الهلالي_ام عراقيه تخاطب صورة ولدها الشهيد حسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشاعر والاعلامي صبري السعدي :: القسم الثقافي والادبي :: منتدى الشعر الشعبي :: القصائد-
انتقل الى: