صور من وا قع ا لحا ل

الصوره الثانيه
(اسكت)

اسكت*اسكت*اسكت*
ايحوفني* ويكلي اسكت***
ايبوكني* ويكلي اسكت***
يامر ابغض النظر عن الجريمه**
ويامر المبيوك كول*لاسمعت اولا شفت***
يشهر ابوجهي السلاح اكبال عيني**
من اكولن ليش*يحسبها تحدي اوماخفت***
يشرب ابدم الفقير اكبال عيني**
ويامر** ابلزم الصمت ***
ويغلي دمي** ايفور دمي**
وارجع اليوم الولاده البيه صرت***
الموت احسن*من حياه*
يسكت المبيوك* عن غدر الحرامي*
والكتله انسان *حك المات ضاع*
ليش* لان موته* كبت***
ليش* ياعالم صفه مامش امان ابهالوكت***
ليش* ياعالم اخوك* الراضع اوياك الحليب*
اويمه ياعالم*تنام او امنت***
ايبوكك ابهاذي الايام* بس يشوفك غمضت***
انه مو عايش الاحجي* انه من اسنين صدكني متت***

الصوره الثالثه

(السكته تكتل)

السكته تكتل**
من تشوف*
الباع عرضه اوشرفه* بالفرح يرفل***
السكته تكتل**
من تشوف*
ابصدر ديوانك حرامي*
والنزيه ابعره كاعد*حتى بالديوان يختل***
السكته تكتل**
الناس كامت *
تجني الغراب اوتحرم شدو البلبل***
السكته تكتل**
من تشوف*
الدبره صارت بالاصيله*
اوشرطة الخيل اصبحت بس هيه تصهل ***
السكته تكتل**
وانه جرحي** امخزن*اوما بعد يحمل ***

الصوره الرابعه

(شنهو انه)

شنهو انه اوياهو انه
والوكت اشهر اسيوفه
اعليه ويبلغ الخلك كصولي اذانه***
ما تكص اذن الاكل خبزة الفقره
اوفرهدانه***
ما تكص اذن التميش مرته من
كطرة دمانه ***
ما تكص اذن الباك ذهبات الكويت
وهسه عالكميه خايب ضايكانه***
روح عني*روح للمابكت
عركه ابجبينه
اوسالك ادروب المهانه ***
روح* للعنده ولك مالات كثره
وصاير ابهذا الوكت سيد زمانه***
روح عني* اشمالك اتربد تجيني
وانه حتى ابني اخاف
ايضيع من عندي حنانه***

الصوره الخامسه

(ناصريه اومنصور)

يل تكلي* احجي اعله كيفك
مثل منصوري الحجي بهدايه***
لا ولك * عالضيم مصبر
باعلى صوتي احجي اعله
وكتي والحجي العند الفقير اهوايه***
انته عايش بالنعيم
وعلى عرف امك
كضيت العسكريه وانه خادم
هالوطن وكتي ضكني اوعايش ابزيزايه***
يلي كاضي الليل
وي ليل المراقص
وانه من مامش اجل شحو زلمنه
اوكاضي وكتي ابردة الملايه ***
وانته
انته يالتاكل ولك لحم الغزال
وانه هذا ابن الجنوب
الصار الي الخشني حبوب اوكل وكت حبايه